(සැවැත්නිදාන යි)
‘මහණෙනි, තෘෂ්ණා මූලක ධර්ම නවය දෙසමි. අසවු, මොනවට මෙනෙහි කරවු, කියමි’ යි. ‘එසේය වහන්සැ’යි ඒ භික්ෂූහු භාග්යවතුන් වහන්සේට පිළිවදන් ඇස්වූහ. භාග්යවතුන් වහන්සේ තෙල වදාළ සේක:
මහණෙනි, නව තෘෂ්ණාමූලකධර්මයෝ කවරහ යත්: (වස්තු සෙවීමේ) තෘෂ්ණාව නිසා (රූපාදි අරමුණු) පර්යෙෂණය, පර්යෙෂණ නිසා (රූපාදි අරමුණු) ලාභය, ලාභය නිසා විනිශ්චය ය, විනිශ්චය නිසා ඡන්දරාග ය, ඡන්දරාගය නිසා (මම ය මාගේ යයි) බලවත් සනිටුහනය, බලවත් සනිටුහන නිසා (තණ්හා දිට්ඨි වශයෙන්) පරිග්රහකරණ ය, පරිග්රහකරණය නිසා මාත්සර්යය, මාත්සර්යය නිසා ආරක්ෂාය, ආරක්ෂා හේතුවෙන් දණ්ඩාදාන ය ශාස්ත්රාදාන කලහ විග්රහ විවාද ය තෝ තෝ යි බිණුම් පෛශූන්යය මුසාවාදය යන අනෙක ලාමක අකුශලධර්මයෝ උපදනාහ. මහණෙනි, මේ නව තෘෂ්ණා මූලක ධර්ම යි.